Bachelor’s Beacht. Pòtret ABC Online Media

KRALENDIJK- Gianni van den Heuvel, kandidata numero 8 riba lista di Demokrat tambe a ekspresá su preokupashon pa like ta trata desaroyonan na Bachelor’s Beach, òf Playa Fornu di Kalki manera sa yamele tambe. 

“Mi a sigui e desaroyo resien rònt di Bachelor’s Beach i esaki ta preokupá mi. Na mi opinion, e diseño ta muchu robusto ku tur e betòn i klenku inkorporá den dje, loke ta pone ku e aparensia natural ta disparsé por kompleto. Un make-over manera esaki no ta kontribuí ètòl na e bista outéntiko di Boneiru”.

Segun Van den Heuvel a bisa, si mantené e sitio strukturalmente, ta mas ku sufisiente. “Mi ta haña ku nos Boneiru mester keda nos dushi Boneiru, i nos mester tene kuidou ku e idea- i normanan akí for di eksterior”.

Van den Heuvel a enfatisá tambe ku e no ta kontra di desoryo di Boneiru riba su mes. “Pero sí mi ta kontra ideanan ku no ta proporshonal i no ta pas ku nos naturalesa i kultura. Meskos ku mi, tin hopi otro hende ku ta kontra e plan pa adaptá e área akí di e manera akí.

Sin vishon

Miembronan di e aktual gobièrnu di Boneiru ta sigui hasi manera nan no sa di nada i ta sigui ku e plannan sin ningun vishon?