USIBO ku promé aktividat pa 2022

KRALENDIJK- Djaluna anochi USIBO a organisá nan promé aktividat i esaki a bai ku diferente seremonia. 

Entre otro tabatin introdukshon di unifòrm nobo, bistimentu di pen komo miembro di direktiva, instalashon di sekretario di ofisina,  rekonosementu di sindikato i sindikalista di aña 2021 i diferente diskurso. 

Durante e anochi a papia Norwin Nochi Willem, komo miembro di konseho, Mavis Abrahams i nan a presentá Ethsel Pieternella, e sekretario di ofisina nobo pa USIBO. 

Nan a menshoná tambe ku tin 3 sindikato ku ta forma parti di USIBO i  ku ABVO i FEDEBON no huntu ku USIBO mas. 

Kwidama i AFBW

A rekonosé tambe e sindikalista di 2021i a duna un splikashon tokante e rekonosementu. E persona a resultá Cherlel Kwidama, esun mas aktivo den 2021. E sindikato ku a resaltá ta AFWB.