KRALENDIJK- E kupel di sindikatonan nan Boneiru, USIBO, ta planeando un manifestashon riba dia 5 di mei kontra e diferensianan ku ta eksistí entre e parti europeo i e parti karibense di Hulanda, o sea Boneiru, St. Eustatius i Saba. 

Den un panfleta USIBO ta mustra riba e hopi terenonan kaminda desigualdat ainda ta eksistí. Asina tin un diferensia grandi entre AOV di Hulanda i e AOW na islanan BES. Banda di esei por nota ku na Hulanda ta tuma 70% di sueldo mínimo komo punto di salida pa determiná nivel di uitkering, pero na e islanan esaki ta un porsentahe hopi mas abou. 

Banda di esei USIBO no ta kontentu tokante e echo ku no tin uitkering pa hende ku ta sin empleo. Tambe e organisashon ta mustra riba falta di un penshun general, pa esnan ku ta traha den sektor privá.