KRALENDIJK – Polis a hasi vários detenshon e wikènt ku a pasa pa motibu di kore bou di influensia di alkohòl. A detené tres sospechoso di diferente edat, despues ku nan kondukta di kore tabata deskabeyá i nan tabata embolbí den aksidentenan riba e isla.

A detené hòmber pa motibu di kore bou di influensia i reibeweis ku a retirá 

Djasabra 22 di yüli a detené un hòmber di 62 aña ku inisialnan G.T.P. despues ku el a kasi dal na manera deskabeyá den un outo di servisio. Despues di kontrol a resultá ku el a bebe alkohòl i tabata kore ku un reibeweis ku a retirá di dje.

Aksidente unilateral ta kondusi na detenshon pa motibu di kore bou di influensia 

Den oranan tempran di madrugá di djasabra 22 di yüli, alrededor di 02.45, a detené un hòmber di 28 aña ku e inisialnan R.R.J. despues di un dalmentu unilateral kontra un tranké na Hanchi Amboina. E tèst di alkohòl a revelá su uzo di alkohòl.  Remarkabel ta ku despues a resultá ku e sospechoso tabata kedando ilegal riba e isla, loke a kondusí na mas medida.

A detené hòmber despues di komportashon agresivo i nenga di hasi tèst di alkohòl 

Djasabra 22 di yüli a detené un hòmber di 26 aña ku e inisialnan S.H.R. pa motibu di resistensia. E agentenan polisial a haña nan obligá di uza forsa brutu adekuá despues ku a ignorá e señal di para, nenga di hasi tèst di alkohòl i komportashon agresivo. E sospechoso, ku tabatin un holó di alkohol fuerte, a resistí violento kontra su detenshon i a mira kon ta konfiská su outo.

Polis di Boneiru ta pidi un i tur pa ta responsabel pa nan propio siguridat i di otro riba kaminda. Kore bou di influensia por kondusí na situashonnan peligroso i hopi biaha tin konsekuensianan serio. Polis ta keda aktua severo kontra e tipo di delitonan aki pa garantisá seguridat den tráfiko riba e isla.