Vakatura Empleado di Mantenshon Bonaire

Delfins Beach Resort Bonaire ta un resort di 4 strea kresiente na e idíliko Punt Vierkant, na unda regularmente tin dòlfein ta bin landa pasa hopi pegá ku kosta. Alabes ku salida i bahada di solo regularmente tin flamingo ta bula pasa riba e parke di e resort. Nos resort ta para pa kalidat superior den un ambiente relahante, típikamente karibense. E ta keda hopi pegá ku kosta di laman i ta rondoná di hòfinan abundantemente bèrdè ku un variedat grandi di palu di palma. Nos ta ofresé nos huéspetnan un ambiente relahá ku 2 pisina, un playa magnífiko,  diferente restorant, un sentro di buseo, i fasilidatnan deportivo luhoso. Tambe tin un sentro di konferensia.

Relashoná ku ekspanshon di nos tim di empleado nos ta en buska entrante inmediato di un:

Empleado di Mantenshon m/f

36 – 40 ora

Komo Empleado di Mantenshon (‘Maintenance’) bo ta ehekutá trabou di reparashon i mantenshon di tur kamber, riba e tereno i di e edifisionan manera restorant, sentro di gimnasia (fitness), labadera (laundry), ofisina i sentro di buseo. Bo ta hasi bo trabou ku entusiasmo di manera ku e huéspetnan di Delfins por disfrutá di nan fakansi bon meresí.

Kiko bo ta bai hasi?

• Bo ta ehekutá mantenshon preventivo i korektivo na konstrukshon, na e inventario i aparatonan tékniko.
• Bo ta ehekutá mantenshon preventivo i ta yuda den kaso di fayo di funshonamentu di èrko, yabi di porta i di instalashon sanitario
• Bo ta drecha mobilario 
• Bo ta hasi kambio di aparato en general i di aparato di tene kos friu 
• Bo ta ehekutá trabou di fèrfmentu

Loke nos ta pidi:

• Bo tin eksperensia den ehekushon di mantenshon i ehekushon di reparashon.
• Bo tin eksperensia ku funshonamentu di instalashon eléktriko 
• Bo tin konosementu i abilidat di trabou di konstrukshon
• Trabou di paipfeter no ta un problema pa bo
• Bo por manehá trabou di karpinté na nivel práktiko
• Bo tin abilidat di hasi trabou di fèrfmentu 
• Bo por presta trabou bon ora tin preshon di tempu
• Bo ta un empleado ku tin entusiasmo i sentimentu di responsabilidat
• Bo tin abilidat plasentero pa anda i komuniká ku kolega
• Bo por kolaborá na bon nivel ku bo koleganan 
• Bo ta dispuesto di traha ku warda variabel i ku warda pa solushoná fayo den funshonamentu di aparato

Kiko nos ta ofresé?

Komo empleado di Delfins Beach Resort bo ta risibí un salario konforme e nivel di merkado. Ademas nos ta haña desaroyo personal importante den nos hotèl i denter di bo funshon por krese bai riba nivel di otro tareanan.

Solisitut

Bo por manda bo solisitut por eskrito huntu ku bo C.V. i un deskripshon di bo motivashon na werk@delfinsbeachresort.com