Vakatura Empleodo Housekeeping Bonaire

Delfins Beach Resort Bonaire ta un resort di 4 strea kresiente na e idíliko Punt Vierkant, na unda regularmente tin dòlfein ta bin landa pasa pegá ku kosta. Alabes ku salida i bahada di solo regularmente tin flamingo ta bula pasa riba e parke di e resort. Nos resort ta para pa kalidat haltu den un ambiente relahante, típikamente karibense. E ta keda hopi pegá ku kosta di laman i ta rondoná di hòfinan abundantemente bèrdè ku un variedat grandi di palu di palma. Nos ta ofresé nos huéspetnan diverso fasilidat di Leisure (Tempu Liber), un sentro di konferensia, diferente fasilidat di F&B, 2 pisina i fasilidatnan deportivo luhoso. 

Relashoná ku ekspanshon di nos tim di empleado nos ta en buska entrante inmediato di un:

EMPLEADO HOUSEKEEPING (partaim/fultaim)

Kiko bo ta bai hasi?

Bo ta traha huntu ku bo koleganan den Housekeeping. I bo ta hasi esaki ku pashon i plaser. Trabou di limpiesa no ta algu ku bo ta hasi for di buki pero ku inspirashon. Abo ta sòru pa nos huéspetnan ta drenta den un kamber limpi i ku esaki bo ta ofresé nan un tremendo fakansi? E ora ei bin reforsá nos den trabou di limpiesa. Bo tareanan ta:

• Hasi nos kambernan di hotèl limpi;
  • Kompletá e minibar ku produkto;
  • Sòru pa tur kos ku ta nesesario ta na òrdu;
  • Hasi limpiesa di tualèt, restorant, sala i ofisina.

Kiko nos ta pidi?

• Bo tin un mentalidat real di pone man na obra i bo ta hasi limpiesa ku presishon 
• Bo tin eksperensia di trabou den un funshon idéntiko òf bo ke bai siña tur e sekretonan di e trabou!
• Bo paga atenshon na detaye
• Bo ta un bon trahadó ku un bon kondishon
• Bo ta dispuesto di traha segun orario variabel, inkluso oranan di anochi i den wikènt. 
• Orario ta segun konsulta, pero nos ta spera ku bo por bula den, ora ku trabou ta pidi esaki.
• Nos ta traha denter di e hotèl komo un tim, kolaborá i komuniká tambe abo ta haña hopi importante!
• Huntu ku bo koleganan bo ta hasi di kada dia un aventura nobo.

Kiko nos ta ofresé?

Komo empleado di Delfins Beach Resort bo ta risibí un salario konforme e nivel di merkado. Delfins Beach Resort ainda ta kresiendo ketu bai i tin hopi oportunidat pa desaroyá den e trabou.

Solisitut

Bo por manda bo solisitut na werk@delfinsbeachresort.com