Venesuela

Venezuela ta bai skrap 6 zero di su Bolivar

Caracas- Den un intento pa hasi pagonan un poko mas efisiente despues di añanan largu di devaluashon, Venezuela ta bai skrap 6 sero for di su moneda nashonal, Bolivar.

Loke ku awor aki ainda ta 1 mion di Bolivar, despues di e operashon pa bini ku moneda i biyete nobo, lo ta 1 Bolivar.

Aktualmente hende tin ku kana ku kantidat enorme di biyetenan di Boliver, asta pa paga un kos chikitu ku ta kosta ménos ku un dòler. E moneda i biyetenan nobo lo bini na vigor for di dia 1 di òktober 2021.

Venezuela ta un di a paisnan ku e inflashon mas haltu na mundu. Algun aña atras den un operashon kasi igual a introdusí e Bolivar Fuerte i despues e Boliver Soberano, pero awor aki e Bolivar Soberano mes a devaluá te kaminda kasi e no ti ningun balor mas.

Deel dit artikel
Rocargo
Rocargo
Rocargo
Rocargo