Notisia

Veterinarionan ta yuda flamingu ku pia kibrá

E operashon tabata nesesario pa asigurá un bida normal pa e Flamingo. Pòtretnan: ABC Online media

KRALENDIJK–Djabièrnè 22 di yüli, a tuma lugá un operashon importante na Flamingo Island Veterinary Center. 

Ta trata di e dòkter di bestia situá na Tera Kòrá, Jochem lastdrager, e dòkter ku ta na kabes di e klínika, tambe dòkter Mirte Kruijt i e asistentenan. Nan mester a pone un flamingu drumi i hinka su kabes den un bòter di plèstik, pa dun’e oksígeno. 

Su kurpa tabata tapa ku aluminium foil, pa mantené temperatura di e flamingu, na esun korekto. Un proseso ku ta parse kompliká, pero pa e dòkternan na e klínika, ta algu ku nan a kustumbrá kuné. E flamingu tabatin un pia kibrá i nan a operá pone na lugá pa e kura i e flamingu por kana normal, momentu ku e wesunan pega atrobe. 

Operashon di un flamingu no ta algu ku ta sosodé tur dia na e klínika. Ku regularidat nan ta atendé ku kachó i pushi, pero tin diferente otro bestia ku ta rekerí ayudo di dòkter pa nan kontinuá ku bida i e dòkternan ariba menshoná, na Flamingo Island Veterinary Center, tei pa nan.   

Deel dit artikel
Rocargo
Rocargo
Rocargo
Rocargo