KRALENDIJK- E kompania di Aviashon spañó WAMOS Air ta ehekutando buelo pa TUI, despues di un avion di Tui a haña problema ku un ventana di kokpet riba un buelo di Santo Domingu pa Amsterdam.

Esaki a hasi nesesario un eskala di prevenshon, manera ta yamele, na aeropuerto di Kòrsou, kaminda ku e avion tin ku keda para te ora logra drecha esaki. 

Pasahero en general no ta masha kontentu pa bula ku WAMOS. Ta ser bisá ku e espacio na bordo ta hopi menos ku ta e kaso den avionnan di Tui mes. Tambe ta ser bisá ku e servisio na bordo, no ta komparabel ku esun di Tui. 

Anida no ta konosí kuantu tempu e Dreamliner di TUI lo keda for di servisio. Aunke TUI tin 3 Dreamliner den su fleta, mester tene kuenta ku e echo ku ta hopi drùk pa motibu di temporada di fakansi. Esaki ta nifiká ku e aerolínea kasi no tin kapasidat di reserva.