Wardakosta i polis di Aruba ta interseptá dos boto ku 23 Venezolano 

ORANJESTAD – Wardakosta a interseptá riba Aña Nobo dos boto ku 23 Venezolano na bordo, ku kier a purba drenta Aruba sin dokumentu.

E promé boto nan a deskubrí djadumingu mainta tempran riba radar na altura di  Arashi. A kontaktá Polis na tera pa eventualmente por aktua. Finalmente a haña dos perona den e boto i seis hende na tera. Nan tabatin droga ku nan.

Na mésun momentu a detektá un di dos boto riba radar na altura di Santo Largo. Na yegada di polis marítimo tabatin solamente un okupante ku a purba di hui.

E helikòpter ku mientrastantu tabata den laira, a mira hende den e mangrovenan. Polis a logra detené djessinku persona na e sitio, entre kua un hende muhé.