WILLEMSTAD – Wardakosta a interseptá antayera mèrdia un boto ku un gran kantidat di droga na bordo. Ta trata di un boto piskadó ku yunan di Kòrsou na bordo.

Kuantu droga a haña lo anunsiá despues, ya ku e informashonnan ei no ta disponibel ainda. Mientrastantu a move i destruí e droga ya kaba si.

Èkstra ta hasi menshon di sigur kuater pa seis saku grandi ku droga. Segun e korant ta trata di un famia empresario di Kòrsou.