Wardakosta ta sigui kue mas droga riba laman

E barku di Marina Hulandes Zr.Ms. Holland, nabegando bou di bandera di Wardacosta di Caribe Hulandes, den e último dos siman di desember a interseptá dos transporte di droga den laman Caribe.

Un asina yamá go-fasts a wòrdu detecta pa e avion di patruya di Wardacosta. Mes ora Zr.Ms. Holland a wòrdu activá pa bai interseptá e go-fasts. A lansa e boto rápido di e Holland ku a alkansá e go- fastnan.

E sospechosonan y e kontrabanda a wòrdu traspasá pa e outoridatnan di Aruba.