Water- en Energiebedrijf Bonaire (WEB) ta kuminsá ku trabownan pa 10de EDF na Belnem

Kralendijk – Den e último siman di mei WEB komo supervisor di e proyekto ta kuminsá ku trabounan di konstrukshon pa un vacuümstation nobo den Belnem na Kaya Saturnus ( entre e mast di Telbo i Digicel). WEB ta hasi e trabou na enkargo di Entidat Públiko Bonaire ( OLB). Segun proyekshon e vacuümstation nobo lo keda kompletá na mart di 2022.

E vacuümstation nobo ta parti di e proyekto 10e (tiende) EDF (European Development Fund) pa ekspanshon di e infrastruktura di riol na Belnem i Hato.

E stashon nobo lo redusí karga for di e vacuümstation eksistente na Kaya Maximiliano Chiana Rosario. Ta transferí un parti di e tuberia di vacuüm den Belnem pa e stashon nobo. Esaki ta hasi konekshon posibel pa 173 bibienda, hotèl i resòrt riba e sistema di riol.

Trabounan Planiá

Trabounan di konstrukshon pa e vacuümstation nobo lo kuminsá den e último siman di mei ku preparashon di e tereno pa konstrukshon i despues pa traha riba e fundeshi.

E trabounan inevitablemente por kousa molèster na abitantenan. Abitantenan por eksperensiá molèster di stof i zonido temporalmente.

WEB komo supervisor di e proyekto lo hasi su máksimo esfuerso pa mantené e molèster na un mínimo i lo mantené abitantenan informá via di medionan di komunikashon ofisial.

---

Lesa tambe:

• 
  Prevení Zika, Dengue i Chikungunya |Aviso pagá
• 
  Zorgtuin Gorssel a konta tokante eksperensia positivo ku trato di pashent ku Alzheimer
• 
  PVDA/GROENLINKS e partido mas grandi bou di votadónan Hulandes den eksterior
• 
  Pashasi pa i for di Boneiru lo bira un poko mas karu atrobe ku subida di tarifa di BIA
• 
  Persona ku un limitashon riba islanan BES ta haña mas derecho