WEB Bonaire ta pidi diskulpa pa manda rekordatorio di un sèn

Kralendijk  – For di departamentu di servisio na kliente di WEB Bonaire a sali un rekordatorio pa un montante di $0.01 sèn. WEB ta komprondé ku esaki a kousa molèster pa ku kliente i nos ta pidi nos diskulpa pa ku esaki.

Tur luna, WEB mester manda míles di rekordatorio ( aanmaning ) pa klientenan ku hasi nan pago lat. E rekordatorio ta ser generá den un proseso outomatisá ( batch process). Esaki ta ser revisá dor di empleadonan di departamentu di servisio na kliente. E rekordatorionan ku un suma ménos di $5 normalmente ta wòrdu saka afó, promé ku manda esakinan.

Desafortunadamente den e batch di fin di mei último, no a tuma nota di e rekordatorio di un sèn ariba menshoná. Un eror humano i pa tal motibu WEB ta pidi diskulpa na tur su klientenan pa loke a sosodé.

---

Lesa tambe:

• 
  Gobièrnu ta bai investigá kalidat di gasolin i disel na Kòrsou
• 
  KLM Royal Dutch Airlines ta alargá su  donashon di título na   Máratòn di Kòrsou ku tres aña
• 
  Hòmber ta fayesé despues di desgrasia ku propio outo
• 
  Sindikato di Enseñansa Doen: hopi dosente agotá na Kòrsou
• 
  Kòrsou ke yuda Sürnam ku eksplotashon di petroli i gas den futuro