Notisia

WEB ta konstruí su propio edifisio nobo

Huntu tur presente a hisa glas pa selebrá inisio di konstrukshon pa e ofisina prinsipal nobo. Pòtret: ABC Online Media

KRALENIJK – WEB ta bai konstruí nan ofisina prinsipal nobo i awe atardi, a revelá e bòrchi ku potrèt di e edifisio. E sitio ta na Kaminda Djabou. E trabounan ta bai dura mas o ménos 18 luna pa e edifisio nobo ta kla. 

Na e okashon, promé ku a revelá e bòrchi na e sitio, Anthon Casperson, e direktor nobo di WEB, a bisa ku komunidat ta kresiendo i ta un di e motibunan pa un edifisio mas amplio ku esun aktual. “

Mas hende ta traha na e ofisina aktual i mester di mas espasio. Mester traha un edifisio ku espasio pa mas trahadó i pa por atendé ku mas kliente na mes momentu. Nèt mi a drenta servisio a firma esaki. Kompanianan ta preparando  den bon kolaborashon pa e proyekto kuminsá i yega final manera palabrá.” 

Chikitu

“Nos ta kontentu despues di hopi aña traha riba e proyekto aki, awor ta kla pa traha e ofisina prinsipal. E ofisina aktual di WEB ta chikitu i e no ta di WEB. Tin mas plan pa despues sigui ekspandé. Ta buskando tur manera pa hasi e edifisio mas duradero. Ta bai krea tur kos mihó na e edifisio. Ta tuma 18 luna pa e edifisio ta kla. WEB ta muda for di Kaya Grecia pa su ofisina nobo, pa duna e mihó servisio.  Danki pa tur kompania ku ta traha riba e proyekto”, asina direktor finansiero di WEB, Joanne Balentin Nicastia a bisa na e okashon. 

Deel dit artikel
Rocargo
Rocargo
Rocargo
Rocargo