WEB ta pidi hende pa no bishitá nan ofisina

KRALENDIJK- WEB ta bisa ku a pesar di e nivel di riesgo 5, e kompania por sigui suministrá su servisionan sin problema, e ta pidi su klientenan pa no pasa nan ofisina si no ta estriktamente nesesario.

‘Nos ta sigui instrukshonnan di gobièrnu lokal i e tim di EBT (Eilandelijk Beleids Team) huntu ku nos provedónan Contourglobal (koriente) i GE (awa). Proyektonan pendiente ta keda ehekutá bou di kondishonnan adaptá’ asina WEB a informá.

Segun WEB, e kompania por kontinuá ku su servisio na kliente pa un gran parti sin ku klientenan i proveédornan mester bini na ofisina. ‘Afortunadamente nos a invertí kaba den teknologia i proseduranan pa por traha “online”.

Ta deskonsehá pa bishitá ofisina di WEB

WEB ta sigui bisa ku pa minimalisá e rísiko pa propagashon di COVID-19, nos ta deskonsehá pa bishitá nan ofisina. Esaki ta konta espesialmente pa gruponan di rísiko manera grandinan i personanan ku resistensia abou.

WEB ta hasi un apelashon riba klienta pa regla nan asuntunan ku WEB preferiblemente for di kas i uza “online banking” pa hasi pago di kuentanan.

Hende ku tin pregunta òf ta buska informashon, tuma kontakto ku e departamentu di servisio na kliente via info@webbonaire.com òf dor di yama +5997158244.

Paga “online”

WEB t amustra tambe ku pa por paga seif for di kas 24/7 por hasi uso di “online banking”. WEB ta pidi kliente si pa tene na kuenta ku mester hasi pago di kada faktura apart. No por hasi kombinashon di 2 faktura.

Mas informashon i instrukshon pa hasi pago via “online banking” ta disponibel riba nos wèpsait www.webbonaire.com òf riba nos página di Facebook.

Lesa tambe:

• 
  Rijna: ‘Rònt mundu tin un krísis di awa ta reina’
• 
  TCB, BONHATA i WEB ta introdusí e proyekto di ‘Bonaire Water Bottle’ komo parti di e esfuersonan sostenibel di nos isla
• 
  Prevení Zika, Dengue i Chikungunya |Aviso pagá
• 
  TELBO ta sigui ku aktividat pa selebrá nan 40 aña di eksistensia
• 
  Gezaghèber Rijna na seshon di desayuno di Rei Willem-Alexander