PORT-OF-SPAIN- Na Aeropuerto di Piarco na Trinidad, un welga di e tripulantenan di kabina i pilotnan di Caribbean Airlines pa motibu di disputa salarial a pone ku hopi buelo di a aerolina a keda kanselá djadumingo. 

Caribbean Airlines a sita ‘limitashon di rekurso’ komo e kousa den un relato pa presna, pero no a duna splikashon adishional. Retraso i kanselashon a afektá ámbos buelonan doméstiko komo esnan internashonal. 

Pasaheronan ku destinahson Tobago a wòrdu ofresé un pasashi pa bai riba e fèri ku ta nabegá entre e dos islanan.  

Banda  di 40 buelo planeá pa djadumingu pa i for di Piarco a keda kanselá. Mayoria di e buelonan aki tabata buelonan interno di Trinidad pa Tabago. 

E akshon industrial te asina leu a keda limita na e operashon di Caribbean Airlines na Trinidad i Tobago. E operashonnan di e aerolínea na Jamaica a sigui drei normal. 

Kòrsou i St. Maarten

Caribbean Airlines ta ofresé dos buelo semanal entre Trinidad i Kòrsou, i vários buelo entre Trinidad i St. Maarten pa siman. Ainda no ta kla si e buelonan aki tambe lo bai keda afektá i den ki grado.