Aerolinea i biahamentu

Ya no mester bai den karentena ora yega Boneiru for di Amerika Latina

Kralendijk- Biaheronan ku ta yega for di paisnan di riesgo haltu, manera tur esnan na Amerika Latina, no mester hasi karentena na kas mas, ora di biaha bin Boneiru. Esaki gezaghèber Edison Rijna a komuniká den un konferensia di prensa djaweps mainta.

E medidanan pa hende ku ta biaha for di paisnan di riesgo haltu, poko poko a keda suavisá. Den aprel ku mei di e aña aki, biaheronan mester a bai keda 5 dia den Buddy Dive, riba nan propio gastu, pa despues pasa un tèst di PCR atrobe. Na momentu ku e PCR tabata negativo por a sali for di e karentena sentral.

Despues di esei a bini ku regla ku mester a tene karentena si, pero por a hasi esaki na kas. Despues di e mesun 5 dia mester a pasa tèst ku resultado negativo, pa por a sali for di karentena na kas.

Entrante djabièrnè dia 25 di yüni a bin otro suavisashon. Awor no mester hasi karentena, ni sentral, ni na kas. Pero si biahero tin obligashon di bai pasa un tèst, pa siguridat, 5 dia despues di nan yegada.

Análisis

Segun dr. Marian Luinstra di Salubridat Públiko aktualmente ta manda tur resultado di tèst positivo hulanda, pa un analisis mas aleu. “Asina’ki nos ta kontrolá ki tipo di Covid-19 ta presente riba nos isla”, asina Luinstra a splika. Tin hopi preokupashon ku un variante Delta, ku supuestamente na sierto pais ta infektando hende mas rápido ku otro variante.

Deel dit artikel
Rocargo
Rocargo
Rocargo
Rocargo