Ya tin 2 hende den hospital pa motibu di Covid

Kralendijk- Aparte di e echo ku atrobe tin 5 hende ku a tèst positivo pa Covid-19 riba djadumingu, ya tin dos hende interná na Fundashon Mariadal pa motibu di Covid.

Tur 5 hende ku a tèst positivo djadumingu ta hendenan lokal. No a divulgá detayes tokante e echo si ta trata di hendenan ya bakuná òf nò. Tampoko a duna masha informashon tokante e personanan interná na Fundashon Mariadal. No ta konosí si nan ta bakuná òf no, i tampoko no a bisa nada di gravedat di e sintomanan ku nan ta ekserepnsiando.

Na mes momentu tin 3 hende ku a rekuperá. Ta danki na esaki ku e kantidat total di kaso ‘aktivo’ na Boneiru a keda limitá na 20.