Notisia

Yamada pa pòmp saka awa sushi for di tanki di yatenan

E tarifa nobo ta drenta na vigor for di promé di yüni 2022

KRALENDIJK – Ta enkurashá doñonan di yate na Boneiru  pa laga Harbour Village Marina pòmp hasi nan tanki di awa sushi bashí. Esei por sosodé tánten grátis, pasobra gobièrnu ke stimulá doñonan di yate pa deshasí na un manera korekto di nan awa sushi.

Pòmpmentu di e awa sushi ta kontribuí na redusí problemanan di riba tera i bou di awa ku ta forma un menasa pa e refnan i pa salubridat públiko.

10 dòler

Na sèptèmber Harbour Village Marina a anunsiá ku for di òktober doñonan di yate mester paga un kompensashon di 10 dòler pa biaha pa pòmp saka nan awa sushi. Pero Fondo Mundial di Naturalesa ta tuma e gastunan ei temporalmente na su enkargo i ta paga STINAPA, ku tin un kombenio di trabou ku Harbour Village Marina. Doñonan di yate ku a paga delantá pa e servisio aki ta haña nan sèn bèk di STINAPA. 

Salu 

Ta un reto pa gobièrnu pa buska e solushon mas adekuá pa trata e awa sushi salu di yatenan. Ta spula tualètnan riba yate ku awa di laman. Ta p’esei e awa sushi ta hopi salu i por influensiá e kalidat di e proseso di purifikashon.

Harbour Village Marina a invertí aña pasá den dos instalashon di pòmp i un tanki intermedio di 20 m₃, ku por akapará e awa sushi di e yatenan. Pronto WEB lo instalá un di tres instalashon di pòmp ku mekanismo dosifiká.

Ku ayudo di e tanki intermedio por guia e awa sushi salu ku a kolektá  hiba tiki tiki via e sistema di drenahe  aspirá pa e purifikashon di awa di riol sentral. WEB lo monitòr na tur momentu e proseso di kolektá e awa sushi pa grantisá e proseso di purifikashon biológiko na e instalashon di purifikashon di drenahe.

Deel dit artikel
Rocargo
Rocargo
Rocargo
Rocargo