Notisia

Yobida fuerte ta okashoná daño na Kòrsou

WILLEMSTAD – Yobida fuerte di ayera nochi a okashoná daño i molèster na vários sitio na Kòrsou. Daknan ku a bula bai, palunan ku a kai, barionan sin koriente i roinan ku a yena.

Dak di un skol na Wishi a bula bai. Diferente palu a kai, manera den Oranjestraat na Nieuw Amsterdam, riba Bulevar Helmin Wiels  i na Blauwbaai.

Na e momentu aki Klein Hofje ta será pa motibu di un palu ku a kai.

Un kantidat di bario manera Monte Carmelo, Muizenberg Bieu, Muizenberg Nobo, Dein i un parti di Kanga ta sin koriente. Tambe Corasol, Jandoret, Boka Sami, un parti di Blauwbaai, Sta Maria i Parera no tabatin koriente.

Téknikonan di Aqualectra ta trahando ainda riba e barionan ku ainda no tin koriente.

Deel dit artikel
Rocargo
Rocargo
Rocargo
Rocargo