KRALENDIJK – Entrante dia promé di yanüari 2025, e pakete di seguro médiko Karibe Hulandes ta kambia, asina Zorg en Jeugd Caribisch Nederland (ZJCN) a anunsiá. E kambionan ta enkapsulá den e areglo ‘aanspraken zorgverzekering BES (RazBES)’ ku tin komo intenshon pa hasi kuido médiko mas aksesibel i mihó dirigí riba nesesidatnan di e habitantenan di Boneiru, Sint Eustatius i Saba.

Un di e adaptashonnan ta relashoná ku e kompensashon pa terapi pa e malesa di COPD, kaminda dawor ya lo no tin un máksimo pa loke ta trata e kantidat di tratamentu i e kompensashon ta kuminsá mesora for di e prome seshon. Pa e kuido aki ta nesesario ku bai buska outorizashon previo di ZJCN. Tambe hende ku reumatismo serio por konta riba un kompensashon kompleto pa malesa, basta buska outorizashon previo na ZJCN.

Adeas, revalidashon geriátriko ta wòrdu menshoná spesífikamente komo parti di e pakete. Akí un spesialista di kuido di hende grandi ta evaluá kua tipo di kuido ta e mas indiká. Den kaso di malesa terminal, òf kuido agudo pa esnan di 18 aña bai ariba, por bira possible pa buska dos akompañante, después di resibí aprobashon di ZJCN. Ta introdusí tambe un prueba di kwalifikashon pa garantisá ku e akompañante tin e kapsidat di asistí ku aktividatnan di dia pa dia i duna sosten mental na momento di desishon.

Un otro kambio ta e eliminashon di e kriteria di “mihó orea” pa pèrdè oido. Te ku 2024, e kompensashon tabata dependé di orea ku ta skucha mihó; Kuminsando na 2025, e restrikshon aki no ta apliká mas.

Redukshon di prima

Tambe, ZJCN ta informá ku e porsentahe di prima pa dunadónan di trabou na Karibe Hulandes ta baha di 11.7% pa 9.3% pa adaptá na e oumentu di e salaria mínimo na aña 2024. E medida aki ta parti di e Regeling vaststelling premiepercentages.