KRALENDIJK – Zorg en Welzijn Groep (ZW- Groep) ta dediká awe, 21 mart 2022 atenshon na dia mundial di downsyndroom.

E aña aki e tema di dia mundial di downsyndroom ta: What does inclucion means? E slogan di e aña aki ta: Together we can empower people around the world to advocate for full inclusion in society for people with Down syndrome and for everyone.

E último añanan aki tin hopi atenshon a keda dediká na inklushon. Pa asina no laga esnan ku un limitashon keda na banda, pero ku nan por haña e oportunidat pa forma parti di nos komunidat. Esaki dor di por partisipá, dor di por trahá i dor di por bai skol.

Mea

Awe e departamentu di Mucha i Hóben tambe ta partisipá na Lots of socks, komo símbolo pa konsientisá. E grupo di muchanan aki tin derechi pa forma parti di nos komunidat. Nan tin derechi pa partisipá, derechi pa tambe por bai skol, derechi pa siña.

E asosashon di dia mundial di downsyndroom ta desea pa tur hende bogá pa derechi di esnan ku downsyndroom. “Kon bunita lo ta ku si nos aki na Boneiru kuminsá bogá pa e derechi di e muchanan ku downsyndroom ku tambe tin derechi di bai skol?”, asina ZW-groep ta puntra.