KRALENDIJK – Shete hóben a kuminsá ku e proyekto ‘Nos ta fuerte’, un inisiativa di Bo Granito i Velitt dirigí riba desaroyo personal. E proyekto ku ta dura ochenta ora ta konsistí di tres fase i ta konkluí ku un sertifikado.
E trayekto ta kuminsá ku un kampamentu intensivo di tres dia, kaminda disiplina, perseveransia i koperashon ta pará sentral. Mientrastantu e shete partisipantenan a finalisá e promé fase ku éksito.
Den e di dos fase e hóbennan ta aportá huntu ku un kontribushon na komunidat. E di tres fase ta duna nan e oportunidat pa kana huntu ku diferente servisio uniformá, pa asina nan haña un bista den posibel perspektivanan pa futuro.
Sertifikado na final
Durante henter e trayekto e partisipantenan ta haña guia aktivo, ku atenshon pa kresementu personal i vishon riba futuro. Esun ku terminá tur tres fase ku éksito, ta risibí un sertifikado. Segun e organisashon e sertifikado por duna e hóbennan un bentaha pa sigui nan desaroyo i oportunidatnan riba merkado laboral.
Mas informashon bo por haña na:
www.bogranito.com i www.nostafuerte.com .