KRALENDIJK - Kuerpo Polisial Hulanda Karibense (KPCN) ta introdusí un Polis di Bario nobo na Boneiru pa e bario di Tera Kòrá.
Eugene Granviel ta e Polis di Bario nobo di Tera Kòrá. Su área di trabou ta Tera Kòrá, Belnem, Lima, Sabal Palm, La Palma, Suikerpalm, Punt Vierkant i bisendario.
Eugene tin mas ku 28 aña di eksperensia komo polis na Hulanda Karibense. Mas ku 10 aña e tabata aktivo komo Polis di Bario. Den su karera el a traha den diferente bario, manera Nort’i Saliña, Amboina, Nikiboko i Playa.
Ku su amplio eksperensia i konosementu di komunidat, e ta komprometé pa kontribuí na un bario seif, den kolaborashon estrecho ku habitantenan i partnernan.
Eugene ta asumí e ròl aki ku entusiasmo.