ORANJESTAD – A sentensiá un hòmber na Aruba pa djesocho luna di kastigu di prizòn pa poseshon di un arma di kandela ilegal. Seis luna ta kondishonal.
Fin di mart a detené e hòmber durante un kòntròl, kaminda polis a topa un tas den su vehíkulo ku tabatin un pistol i munishon den dje. A detené mésora riba sospecho di violashon di lei di arma di kandela.
A trata e kaso aselerá durante un asina yamá proseso hudisial rápido. Riba 7 di aprel hues a husga ku e hòmber ta kulpabel i a imponé tambe supervishon di rehabilitashon sosial banda di e kastigu di prizòn.
Polis a anunsiá ku ta intensifiká e kòntròlnan e periodo benidero i ta hasi un yamada pa hasi uso di e areglo: “Entregá bo arma, promé ku nos hañ’é.”