KRALENDIJK- Djadumingu 13 di novèmber a tuma lugá apertura siman di buki pa mucha. Hopi mucha i mayor tabata presente na e aktividat.

Promé persona ku a dirigí palabra tabata direktora di komunidat i kuido Silvana Janga. Despues a siguí un show di baile di muchanan, bou di guia di Segni Bernadina. Diputado James kroon tambe tabata presente i el a bisa: “Awe ta di 30 biaha ta organisá e aktividat aki. Lesa buki ta importante i ta bon pa mayornan hasi esaki ku e muchanan. Lesamentu ta importante pa desaroyo di hende. Gosa di e atardi.” 

Diputado sr. Kroon, a ranka e sinta i deklará e aktividat ofisialmente habrí. “Sin esnan presente awe, e aktividat no a bira un realidat. Ta importante pa lesa, kualke idioma, importante na idioma papiamentu. Momentu bo tin bon base, ta fásil pa sigui den otro idioma”, asina Timotheo Silberie a trese dilanti.