KRALENDIJK – E kompania Selibon aktual tin dos vakatura den su Hunta di Komisario. Kaminda ku resientemente a nombra un komisario nobo ku konosimentu riba tereno finansiero, aktualmente ta buskando komisarionan nobo ku tin ekspertisio riba tereno di rekurso humano i/òf desaroyo di organisashon.

Banda di esaki ta buskando tambe un komisario ku tin konosimentu riba e proseso primario di Selibon, ku ta prosesamentu di sushi, i tambe maneho di medio ambiente. Kandidatonan mester tin edukashon na nivel di HBO i preferiblemente konosimentu di, òf eksperensia ku e materia di supervishon interno, manera trabou den hunta di komisario, òf hunta di supervishon.

E kompania di konsùltent Linkels & Partners ta enkargá ku e reklutamentu e selekshon, ku ta kana via di e akshonista di Selibon, ku ta Bonaire Holding Maatschappij. Mas informashon tokante a vakaturanan i e rekesitonan pa por solisitá por haña via www.linkels.com