KRALENDIJK- Djasabra pasá, mainta trempan, ZW-Groep, e departamentu di Kuido pa Bista i Oido (KBO), a organisá un kaminata. 

Ta trata di un kaminata spesial, otro for di kaminata nan kustumbrá. Un grupo di hende a kana wowo tapá, pues nan no por a hasi uzo di nan wowo pa mira unda nan ta bai. E grupo tabata konsistí di un persona wowo tapá i e otro, un otro persona no wowo tapá, kende ta e guia. 

E kaminata tabata pa eksperensiá un simulashon di vishon abou òf sieguedat, huntu ku un guiá. Promé ku e kaminata a kuminsá, a hasi algun ehersisio pa pone e  spirnan di e kurpa kla pa kana 2.5 kilometer. E grupo a pasa den algun kaya i regresá kaminda el a kuminsá, esta ofisina di ZW-Groep. 

Stòki

Tambe e persona wowo tapá, por a hasi uzo di un stòki pa e kana kuné. Potrèt ta ilustrá parti di e aktividat.