KRALENDIJK- E rèktor di Universidat di Aruba, Viola Heugter, siman pasá a duna un presentashon informativo na studiantenan di HAVO i VWO na Liseo tokante un estudio na Unversidat di Aruba (UA). 

Entre otro Heugter a papia tokante bentahanan di un estudio den region, kompará ku un estudio den un país mas leu. 

Tambe Heugter a papia tokante e aña pre-akadémiko ku ta wòrdu duná na e universidat, i ku por wòrdu konsiderá komo un bon preparashon pa un estudio universitario na Hulanda, òf na otro lugá.

Direktora di Liseo, Barbara Sol ta kontentu ku e bishita i informashon di Heugter. “Hopi útil i nos ta yamele danki pa e esfuerso, asina Sol a bisa.