‘Un invershonista Hulandes a kuminsá konstruí un hotèl nobo, ku ta situá na kosta atlántiko di Sint Eustatius. Esaki ta duna un tremendo impulso pa turismo, pasobra Statia ta un destinashon hopi atraktivo pa kana i tambe pa sambuyá. E hotèl nobo ta krea mas kupo di trabou, pero e luga skohé pa e konstrukshon di e hotèl ta un problema.

No tin akseso na laman pa motibu ku e baranka (klef) haltu ku ta separá e tereno for di awa. Tambe e ta peligroso pa landa einan, mirando ku ei e koriente ta fuerte. Landamentu na playa di Zeelandia, kantu di kosta Atlántiko a wòrdu prohibí pa motibu di esaki.

Mi a mira riba Google Earth ku a traha un kaminda ilegal pa durante konstrukshon di e hotèl. Esaki ta krea riesgonan pa Sint Eustatius National Marine Park, ku ta kuminsá na pia di klef. E parke marítimo aki ta protehá internashonalmente i ta di un beyesa úniko.

E distrukshon kausá na e klef aki ta un riesgo pa e hotèl tambe. Tin un pisina hopi hundo serka di e klef, loke ta kousa un riesgo pa e stabilidat di e hotèl. E kaminda aki ta kousa tambe un riesgo pa naturalesa. E klef ta konsistí di santu, piedra i reston volkániko i nan ta suave i frágil. Un hotèl na banda di laman Karibe a sera debi na kolapsamento di klef. E klef ta bo defensa di kosta natural kontra e efektonan di kambio di klima.

Na 2017 Den Haag a pone un banda e gobièrnu lokal pa falta di deber i lei. Pero ta importante pa tuma kuenta e konsekuensianan di e konstrukshon aki riba e naturalesa i e ambiansa marítimo. Ehekutá e leí, òf e dicho bieu ta apliká akinan: Esun ku ta paga, ta manda?’

Clarisse Buma