DEN HAAG – Korte komun di Hustisia a inisiá e prosedura pa nombra un notario permanente na Sint Eustatius i Saba. E mester bai remplasá e notario ku ta nombrá temporalmente. Ámbos isla ta keda sensibel i Tweede Kamer ke un solushon duradero.

Sekretario di estado Alexandra van Huffelen ta wak huntu ku ministerio di Hustisia i Seguridat i den konsulta ku e notarionan den Karibe Hulandes e lokual ta nesesario pa den futuro por fungi komo remplasante den kasonan di ousensia temporal.

“Pa termino largu ta wak kon e kuadro legal ta koinsidí ku sobra di Hulanda i kon kambionan den e kuadro legal riba tereno di digitalisashon por ta benefisioso den práktika pa Karibe Hulandes tambe”, segun Van Huffelen.

Pa loke ta trata e último aki segun e sekretario di estado por pensa riba aspektonan manera digitalisashon di aktanan. “Aki ta importante pa wak huntu ku e entidatnan públiko i e ámbito notarial kon por minimalisá e sensibilidat di servisio pa medio di digitalisashon, pero na mésun momento pèrkurá ku presensia i aksesibilidat di servisio notarial ta keda sigurá den region.”