KRALENDIJK– No ta kompletamente klarito si na Boneiru tin hende ta usa e gota pa wowo akí. Pero pa motibu ku e konsekuensianan por ta grave, lo siguiente:

Global Pharma Healthcare ta yama tur lote di nan gota pa wowo / lágrima artifisial bèk pa motibu di posibel kontagio. Ta trata di gota pa wowo ku EzriCare, LLC i Delsam Pharma a distribuí.

Infekshon di wowo ku e bakterianan akí por kondusí na sieguedat. Dia 7 di febrüari 2023 CDC a raportá 56 kaso di persona ku un infekshon raro i sumamente resistente. Aktualmente e brote i e akshon di yama bèk ta limitá na Merka. Por bin kambio den esaki.

Personanan ku ta usando e produkto akí òf ku a yega di us’é, tin ku bai kontrolá pa wak si tin kualke señal di infekshon i manera ku e promé señalnan presentá, mester pidi ayudo médiko mesora. Den kaso di duda no hasi uso di e gotanan pa wowo i tuma kontakto ku e bendedó.

Pa mas informashon wak riba: https://pharmanewsintel.com/news/global-pharma-healthcare-recalls-artificial-tears-due-to-contamination