DEN HAAG – E selekshon Hulandes ta den un posishon fuerte atrobe pa e World Baseball Classic 2023. Ta hunga esaki na Miami, Chinese Taipei i Hapon di 7 te ku 21 di mart. Ku su konekshon ku Aruba i Kòrsou Reino Hulandes tabatin konstantemente timnan ekselente.

Xander Bogaerts i Kenley Jansen ta guia e tim di 2023, pero tin otro nòmber tambe di Mayor League Baseball. E éksito di pasado a pone ku Hulanda a posishoná su mes outomátikamente pa e edishon di 2023 di World Baseball Classic 2023.

Hungadónan mas konosí 

E infielder mas konosí ta Xander Bogaerts, e reliever/closer Kenley Jansen, e rumannan Jonathan i Sharlon Schoop, Richie i Josh Palacios, Andrelton Simmons i Didi Gregorius ku nan karera impreshonante den MLB , den staf di picheo entre otro e All-Star Jair Jurrjens di 2011 i e relevo di e World Series na 2016 Pedro Strop.

Ekipo tékniko

Tin hopi nòmber konosí den e ekipo tékniko. Hensley Meulens, entrenadó di picheo di Rockies, ta direktor di e tim. E tin asistensia di e entrenadó di picheo Bert Blijleven i Jones komo entrenadó di banki, Gene Kingsale entrenadó di primera base i pitcher Mike Harkey komo entrenadó di bulpen. Tjerk Smeets ta entrenadó di bateo, Ben Thijssen ta entrenadó di tersera base i Evert-Jan ‘t Hoen komo entrenadó di kòntròl di kalidat.

Skema di wega

Hulanda ta hunga den Grupo A na Chinese Taipei. E prome wega ta kuminsá mañan 7 di mart kontra Cuba 11’or di anochi ora di Kòrsou, despues ta toka turno na Panama riba 8 di mart pa 11’or di anochi, despues ta kontra Chinese Taipei riba 11 di mart pa 6’or di mainta. E weganan di e grupo aki ta finalisá riba 12 di mart kontra Italia pa 7’or di mainta. Tur e orarionan ta ora di Kòrsou.

E kampo ta spektakular e aña aki, ku Repúblika Dominikana, Estados Unido i Hapon komo kandidato pa gana. Hapon ta e úniko pais ku a gana e WBC dos biaha i a gana e título na 2006 i 2009. E final ku ta tuma lugá na Miami tambe ta notabel, pasobra a hunga tur kuater kampeonato anterior na kosta wèst di Estados Unido.

Grupo A i Grupo B ta hunga respektivamente den Taichung Intercontinental Baseball Stadium i den Tokyo Dome, mientras Grupo C ta hunga na Chase Field na Arizona i  Grupo D na LoanDepot Park na Miami.

Despues ta hunga e kuart final di 15 te 18 di mart,  e semi final 19 i 20 di mart i e final 21 di mart na Miami.

Por stream e weganan na FoxSports.com,  Fox Sports-app i fuboTV, ku ta ofresé un vershon di prueba grátis. 

http://www.fubo.tv/lp/mlb/?irad=377812&irmp=1131770&sharedid=editorial