KRALENDIJK – Studiantenan di promé aña di e kurso MBO pa kòki a dòrnaun trùk’i kumindapa uza na MBO Bonaire. Nan a hasi esei den kolaborashon ku studiantenan di e sektor di konstrukshon. E próksimo simannan e kòkinan ku ta den formashon ta bende kada djabièrnè lùnch for di e trùk’i kumindapa e otro studiante- i empleadonan di MBO. Ta uza e entrada di e benta pa un aktividat den klas ku ta dirigí riba ofishi. 

E proyekto ta kuadra ku e enseñansa na MBO Bonaire ku ta dirigí riba práktika. Ku ayudo di Tim Tromp, empresario lokal di Fat Dog, e studiantenan ta organisá e lùnch di A te Z. Hasi kompra, konta kiko e ta kosta pa drecha e kuminda, stipulá e preis di benta i bende e kumindanan ta algun di e tareanan. Asina e studiantenan ta siña mas tokante di promové nan produkto i pone kontakto ku kliente.

Kada siman e studiantenan ta inventá un plato nobo. Djabièrnè último tabatin un pokebowl, un plato ku piská (kurú) i bèrdura, riba menú ku tabata idea di studiante Nicole Pedersen: “Mi ta hopi orguyoso ku mi idea pa un pokebowl ku salmou i tuna ta un éksito asina grandi”. Dentro di 30 minüt e trùk’i pan a bende tur kos.