PHILIPSBURG – E sinku organisashonnan di kuido i e tres sindikatonan ku ta representa e empleadonan na islanan BES tin e deseo pa yega na un kontrakto kolektivo (CAO) pa e sector di kuido na Bonaire. St. Eustatius i Saba.  

Den un reunion di tres dia ku a tuma lugá na mei di mei, Fundashon Mariadal, Sint Eustatius Health Care Foundation, Sint Eustatius Auxiliary Home, Mental Health Caribbean i Saba Cares, ku e sindikatonan AFBW, All for 1 i SUPLUA, a traha pa armonisá nan enfoke, pa asina a partir di awe, trabou igual ta paga igual.

E reunion a tuma lugá na St. Maarten i lo sigui na sèptèmber di aña aki. Na e momentu ei, partidonan ke yega na akuerdonan konkretu tokante e kolektivo nobo: Kolektivo di Kuido pa BES (CAO ZORG BES), ku lo ta aplikabel pa (en promé luga) e sinku organisashonnan di trabou i nan empleadonan.

Pa medio di e enfoke riba harmonisashon, nan a igualá e elementonan prinsipal di kondishonnan laboral primario ku ta existí den e dos kolektivo separá ku Fundashon Mariadal i e organisashonnan di kuido na Saba i Sint Eustatius. 

Huntu mas fuerte

E reunion di partidonan di kuido ta un kontinuashon di e konferensia “Huntu nos ta mas fuerte”, ku a tuma lugá na jüli 2022 na St. Maarten. Den e konferensia ei, partido a konstatá ku e kuestyonnan relashoná ku personal i merkado laboral ku kada un di e islanan ta enkuentra, ta por wòrdu abordá efektivamente solamente si nan traha huntu.

E organisashonnan di kuido ta eksperensiando un preshon kresiendo pa falta di personal. Esaki tin impakto riba kalidat i kontinuidat di kuido i ta subrayá e urgensia di tuma medida konhunto. E harmonisashon di kondishonnan laboral (primario) entre e sinku organisashonnan di kuido ta ta impulsá mobilidat, hasiendo trabou na Saba i Sint Eustatius mas atraktivo i ta kontrarestá konkurensia entre partidonan.

Ambishon

E partidonan di Kolektivo di Kuido ta deseá di duna e sigiente stap na September; un Kolektivo di Kuido konhunto pa tur sinku organisashon di kuido i nan empleadonan. Partidonan ta hasi esaki basá riba un ambishon konhunto ku nan tin ku e Kolektivo di Kuido BES. E Akuerdo di Koalishon di Gobièrnu 2021 – 2025 (Un futuro mehor pa henter Reino) ta duna partidonan un puntá di salida importante. Igualdat i rekiprosidat ta formá parti di esaki, inkluso e esfuerso pa hasi Bonaire, Saba i Sint Eustatius un parti igual di Hulanda.

Den e konteksto ei, e Kolektivo di Kuido BES konhunto mester kontribuí spesífikamente na e kapasidat pa sigui brinda kuido di kalidat haltu na residentenan di BES. Awor i den e añanan bini. Esaki ta wòrdu lográ pa medio di personal ku ta (i lo kontinuá) wordu bon entrena, ku un Kolektivo ku tin kondishonnan di trabou bon, kompetitivo i ku ta kontribuí na empleabilidad sostenibel di e empleadonan. 

Relashoná ku e nivel di kondishonnan di trabou, partidonan ta enfoká riba e Kolektivo di Kuido na Hulanda Europeo i en partikular e Kolektivo di Kuido pa Hospital, Salú Mental i kuido na kas (Cao Ziekenhuizen, GGZ en VVT).