KRALENDIJK – Staatssecretaris Maarten van Ooijen a risibí un lista largu di reklamonan for di pashentnan, ku ta sinti ku nan a ser trata malu pa e hospital na Boneiru i e specialistanan médiko na Boneiru.

E reklamonannan ta inkluí aspektonan manera e evaluashon di necesidat pa evakushon mediko, e preskripshon di medikamentu generiko en lugar di medikamentu spesífiko (branda), i plan di tratamentu kontradiktorio entre, pa ehèmpel, e dòkter na Kolombia i e dòkter ku ta stasioná na Boneiru. 

Segun e personanan ku a hasi reklamonan, mas ku un persona a muri pa evaluashon falso, òf tin sufrimentu komo resaltado, manera keda ku sòrnamentu serio despues di operashon ku e personanan ku a hasi reklamonan ta konsiderá manera falso.

Ofisial di Reklamo

Tambe tin reklamo tokante e ofisial di reklamonan, kenden segun e reclamadónan no ta sufisientemente independiente. “E ofisial di reklamonan ta ser pagá pa Fundashon Mariadal, kiko ta hasi ku nan por ta independiente?”, e personanan ku a hasi reklamonan ta puntra.

Segun e parti ku a hasi reklamo, un komishon independiente mester hasi investigashon tokante e reklamonannan òf kaso ku a bai robes. 

Na fin di dia, Van Ooijen a referí brevemente na e lista largu di reklamonannan. “Tin kosnan ku nos por traha riba nan den e kòrtu plaso, pero tambe, nos tin mester di mas tempu pa wak e lista i e reklamonannan mas detayadamente,” asina a bisa e staatssecretaris.