KRALENDIJK – PSV Eindhoven ta organisá, en kolaborashon ku Indebon i FFB, diferente kampu di futbòl di 2 dia pa dos kategoría di edat. Na kuater luga diferente, mucha homber i mucha muhé ta tin e oportunidat pa entrená manera un profesional.

Inskripshon ta obligatorio. Pa kada luga i kategoría di edat, tin lugá pa maksimalmente 40 muchanan partisipá. Pidi pa bo tene na kuenta ku na momentu di inskripshon, bo ta registrá bo yu pa dos dia di praktika di futbòl. Nos ta kere den bo kolaborashon pa asegurá ku bo yu ta presente na e luga indiká na ora indiká, i tambe pa rekogé na tempu. Danki di antemano pa bo partisipashon.

Fecha i Luga

• 19 i 20  yüni – Stadion Rincon
• 22 i 23  yüni – Rudy Boezem
• 26 i 27  yüni – ATC 
• 29 i 30  yüni – Elion Flores

Ora i edat

• 2 PM pa 4 PM: 6 pa 10 aña
• 4 PM pa 6 PM: 11 pa 15 aña

Entrada gratis, Inskripshon obligatorio 

Bo registra, bo por hasi esaki via e wèpsait aki: Klik aki pa inskribi bo yu.
Pa kada luga i kategoría di edat, tin lugá pa maksimalmente 40 muchanan participá.

Nos ta pidi amabelmente pa bo tene na kuenta, na bista di e temperatura kalku, pa asegurá ku bo yu tin protekshon kontra e solo. Pensá na panja ku ta kubrí, krèm di protekshon solar, etc. Tambe nos ta pidi pa bo tuma un botter di bibida ku bo. Así nos lo bai hasi un diánan di futbòl agradabel huntu.