KRALENDIJK – E luna di yüli akí, e programa piloto pa skrinmentu di poblashon pa kanser na pechu ta kuminsá na Sint Eustatius. Den e dos añanan ku ta bini, ta bai invitá tur hende muhé entre 50 i 75 aña pa partisipá. Inisio di e programa di skrinen akí na Sint Eustatius ta resultado di kolaborashon entre RIVM, The Public Health Prevention Clinic (PHPC), i St. Maarten Medical Center (SMMC). Detekshon tempran ta esensial pa tratamentu eksitoso i hopi biaha ta enbolbí intervenshon ménos invasivo. Si detektá kanser na pechu tempran, tin mihó chèns tambe pa sobreviví. 

Intake  

Durante e periodo di dos aña,The Public Health Prevention Clinic ta yama tur hende muhé den e grupo di edat i invitá nan pa un sita di intake. Durante e intake, e koordinadó di skrinen ta splika e proseso inkluso logístika, i kada partisipante ta risibí tur informashon tokante e programa di skrinmentu pa kanser na pechu. Partisipantenan ta biaha den grupo di ocho ku un buelo charter pa Sint.Maarten. Skrinmentu ta tuma lugá na SMMC riba djárason, un òf dos biaha pa luna i partisipashon ta grátis.

Kalidat konfiabel 

A trein e téknikonan di laboratorio na St. Maarten Medical Center pa hasi e mamografianan (radiografia). E Sentro di Ekspertisio Hulandes pa Skrinen ta responsabel pa nan entrenamentu i kalidat di e skrinen. 

Akuerdo pa post-kuido 

A yega na un akuerdo ku St.Eustatius Heath Care Foundation i St.Maarten Medical Center tokante post-kuido. The Public Health Prevention Clinic ta informá e hende muhénan ku a skrin tokante kualke apnormalidat ku a detektá i lo referí nan tambe na spesialistanan na St. Maarten Medical Center pa tèst adishonal. Nos ta purba haña un sita siguiente dentro di un siman. Dependé di e resultado, SMMC ta regla tèst i tratamentu adishonal si ta nesesario. 

Mas Informashon

Pa mas informashon tokante e programa di Skrinmentu di Pechu,tuma kontakto ku The Public Health Prevention Clinic na +599 318 28 91 of bishita página di Facebook Bevolkingsonderzoek Caribisch Nederland