WILLEMSTAD – E barku di marina Hulandes, Zr.Ms. Groningen, hunto ku Wardakosta, a bolbe frustra un trasporto di droga basta konsiderabel riba djadumingu ku a pasa. 

Zr.Ms. Groningen a risibí un informashon for wardakosta tokante un boto sospechoso den laman Karibe. Ku ayudo di avion Dash-8 di wardakosta, Zr.Ms. Groningen a tuma akshon i a sigui botonan  sospechoso hinter anochi. 

Finalmente, un persekushon a sigui ku dos boto di intersepsion tipo FRISC di e barku di Marina Real. E botonan sospechoso a hasi tur sorti manera pa trata di skapa. E trafikadónan a lansa barínan di kumbustibel i paquete di droga den laman pa logra mas spit den nan huída. 

Kokaina

A pesar di e persekushon largu, e botonan sospechoso finalmente a logra skapa. Sinembargo, durante e buska subsiguente, a logra saka 50 pakete ku mas di 1600 kilo di kokaina for di laman. E kargamentu ilegal a ser konfiská i entregá na Kuerpo di Polis di Kòrsou, kaminda e droganan a wòrdu destruí mesora.