KRALENDIJK- Pa motibu di e kondishon malu di tempu i ráfaga di bientu duru di e riba djadumingu , Indebon, huntu ku Stinapa a tuma desishon di será e waf flotante na altura di Parke Tului temporalmente.

“Ta trata di un medida temporal, ku posibelmente ta kousa sierto inkumbiniensia serka nos habitantenan, pero siguridat ta bini na promé lugá i pa e motibu akí nos ta spera riba komprenshon i pasenshi”, asina Mitchell de Palm di Indebon a splika.

Na e momentunan akí Stinapa ta reforsando e partinan di e pisina flotante, di manera ku por garantisá tur siguridat. Tantu Indebon komo Stinapa ta bisa di ta keda vigilá e situashon i ta prepará pa eventualmente tuma otro medidanan.