KRALENDIJK – Pa optimalisá su servisio na su klientenan, Fundashon Mariadal ta anunsiá un rekonstrukshon den Botika FM. E punto prinsipal di e rekonstrukshon aki ta e agregashon di un bali spesial pa buska resèpt rápidamente.

E inovashon aki ta bin komo resultado di e deseo pa mehorá e proseso di buska remedi. Danki na e resèptnan digital ku ta wòrdu manda dor di dòkternan di kas, nos por prepará esaki adelantá. Esaki ta nifiká ku klientenan por buska nan remedinan e siguiente dia rápidamente na bali 6 i 7, sin mester warda largu.

Kiko klientenan por spera durante e rekonstrukshon?

• Djabièrnè: E establesimentu lo ta parsialmente den rekonstrukshon, pero no lo tin trabounan aktivo durante dia.
• Djasabra: E botika ta habrí for di 14:00 or te 18:00 or. Durante e oranan aki lo tin trabounan di konstrukshon, pa kua nos ta pidi komprenshon.

Fundashon Mariadal ta konsiente di e molèster ku un rekonstrukshon por kousa i ta gradisí su klientenan di antemano pa nan komprenshon i pasenshi durante e periodo aki.