KRALENDIJK – Durante klousura di Luna Mundial di Alzheimer Henna Winklaar, vice-presidente di e direktiva di fundashon Alzheimer Boneiru, a duna un presentashon di demensia i Alzheimer den Sentro di Bario Nort’i Saliña. El a hasi esaki riba invitashon di e organisashon di dama Muhénan Diamante durante un “African Party”. E tema di e aña aki tabata: “Nunka muchu tempran, nunka muchu lat. Redusí e rísiko awor!” E miembronan presente a apresiá e splikashon aklaratorio i a hasi pregunta aktivamente.

Den luna di sèptèmber  diferente aktividat tabata dirigí riba oumentá konsientisashon rondó di Alzheimer. Fundashon Alzheimer Boneiru a tuma e inisiativa pa duna pueblo mas konosementu di e rísikonan di e malesa i kon redusí esakinan.