Skirbí pa Auke van de Berg

No ta riba e isla so hendenan ta preukupá pa futuro di Plantashi Bolivia, na Den Haag tambe un parti di Kamer ta sigui e desaroyonan ku kara poko será.

Na luna di òktober 2019 kaba e sekretario di estado di e tempu ei, señor Knops, a haña pòst di e Asosiashon di Doñonan Luga Aleha, bisiñanan di e plantashi. E asosiashon ta ekspresá su preukupashon pa e plan di proyekto ‘Een evenwichtig project’ na Boneiru (Bolivia), manera a yama e loke ku ta sosodé riba e plantashi e tempu ei.

Señor Knops: ‘Bo ta preukupá ku e proseso tokante e plannan di destinashon urbániko i e konservashon di naturalesa di Bolivia. Na okashon di bo karta mi a buska informashon serka Entidat Públiko Boneiru (OLB) i a manda e karta tambe pa ministerio di Agrikultura, Naturalesa i Kalidat di Kuminda (LNV).

A yega na mi konosementu ku e proyekto ku bo ta referí na dje ainda no ta konosí ofisialmente serka gerente di Maneho Urbano di OLB.’*

‘Ainda no ta konosí ofisialmente.’

Un frase pa pensa hopi tempu riba dje. Lo ta muchu pidí pa menshoná tur e moshonnan di Plantashi Bolivia ku a mira lus di dia na Den Haag. Ademas ta kontestá tur pregunta i remarke ku variantenan riba un tema:

Na promé instante e ta riba kaminda di konseho insular pa laga hasi un investigashon. Ta na kolegio ehekutivo pa pèrkurá ku ta traha na un manera korekto i despues na konseho insular pa kontrolá esei.

Den promé instante Entidat Públiko Boneiru ta na turno pa laga ehekutá un eventual investigashon di manera ku tur echo ta bira konosí.

Ministerio di BZK i ministerio di IenW ta sostené e Entidat Públiko Boneiru, reforsándo e aparato públiko, ku atenshon èkstra pa direktoradonan ku ta konsentrá nan mes ku dunamentu di pèrmit, supervishon i mantenshon.

E úniko minister ku ta desviá di e idioma kolokial aki ta minister De Jonge (Bibienda i Zonifikashon). E ta duna komo kontesta riba un  moshon ku e ‘[ta] na Boneiru riba 16 i 17 di yüni (2022), kaminda entre otro mi lo hasi un bishita na e anterior plantashi Bolivia i lo hiba kòmbersashon ku diferente partido tokante e desaroyo previsto. Ya ku mi ke hinka e resultadonan di e bishita aki den e kontestanan na bo Kamer, lo mi no por kontestá e preguntanan dentro di e tempu ku a stipulá pa esei.’

Un hòmber sensato, e minister ei, bo ta haña aloménos un bista di e situashon.

Un moshon si mester menshoná: e moshon di e miembronan Van Raan, Sylvana Simons i Jorien Wuite*:

Presentá 20 di òktober 2022  

Tendiendo e deliberashonnan, Kamer a konstatá ku Plantashi Bolivia ta parti di un área di para importante; konstatando ku segun e plannan di destinashon úrbaniko  no mag konstruí riba Plantashi Bolivia; konstatando ku un desayoradó di proyekto tin plan pa konstruí riba Plantashi Bolivia;

Konstatando ku investigashon resien di e Konseho pa mantenshon di lei ta mustra ku emishon di tereno na Boneiru no ta kana semper segun reglanan i probablemente pa e motibu aki ta konstruí hopi na Boneiru sin e pèrmitnan korekto; ta supliká gobièrnu pa pèrkurá den kòmbersashon ku e Entidat Públiko Boneiru ku no ta tuma pasonan ku no por drei bèk pa loke ta trata konstrukshon riba Plantashi Bolivia te na momentu ku a stipulá e programa di desaroyo, i ta pasa pa órden di dia.

Van Raan 

Sylvana Simons 

Wuite 

E moshon aki ta spesial pasobra ku esaki for di Den Haag ta pone e dede nèt riba e herida. No ta solamente riba e isla e gobièrnu lokal tin un mancha riba su imágen.

Wak: 

https://www.tweedekamer.nl/kamerstukken/moties/detail?id=2022Z19961&did=2022D42830