KRALENDIJK—Djasabra 4 di novèmber mainta, a tuma lugá apertura ofisial di e promé Special Olympics Kingdom Games na Boneiru. A kuminsá ku un parada animá pa The Boyz brasbènt, Sali for di Stadion di Playa i terminá na Parke Wilhelmina. 

Na e sitio a dirigí palabra algun persona pa despues deklará e Special Olympics Kingdom Games. Shen i binti atleta ta presente pa e weganan na Boneiru, di Sint Maarten, Saba, Sint Eustatius, Kòrsou, Aruba i Boneiru.

Diputado Clark Abraham a bisa: “Mi ta spera bon wega i fuerte e dianan aki. Nos ta orguyoso ku nos tin e weganan aki i mas sigur, ku e islanan ruman ta huntu. Éksito pa boso tur presente.”

Rolanda Helburg-Makaai, a bisa porfin e dia a yega. “Un honor risibí boso na Boneiru. E meta ta no pa gana, pero sera konosí ku otro i e kurashi i abilidat ku boso tin. E Special Olympics Kingdom Games aki, ta promé pero no delaster. Ta sigui ku e weganan un biaha Boneiru i unu Kingdom Game. Mi ta gradisí tur ku a kontribuí pa hasi e aktividat aki un realidat.”

Lorna Bell Exec director, Special Olympics Caribbean Initiative tambe a ekspresá di ta hopi kontentu. “Danki na e gobièrnu di Boneiru. Danki pa e trato ku nos a haña. Imaginá e promé Kindom Games ta na Boneiru. Danki pa tur e islanan ku a sostené e aktividat. Mi ta konvensí, ku nos ta sigui desaroyá den e Kindom Game. Boluntarionan nos mester di boso. One love, one heart.” 

Inspirashon

Niels Cannegieter Direktor di Thinc Ahead tambe a hiba algun palabra: “Boso no ta simplemente un atleta. Boso ta nos inspirashon. Tin di boso pa promé biaha a subi un avion, bini Boneiru. Boso ta inspirá hopi. Nos a hasi esaki spesialmente pa boso” asina Cannegieter a bisa e atletanan. 

Despues a kore huntu ku un grupo di persona, yega na Parkje Wilhelmina ku e antorcha, e kandela di speransa. Di e manera aki a deklará e evento habrí, orkesta di Hòfi Kultural kanta himno.