Antayera nochi Amado Vrieswijk a logra medaya di plata na Kampionato Mundial Slalom. E eksperto tabata fuerte tur dia, a gana e evento, pero a hera oro den e klasifikashon total.

For di promé dia tabata yen di suspenso na Hapon. Amado Vrieswijk por a logra e medaya di oro na e kampionato mundial. Pero pasobra e ‘windfoiler’ no a presta sufisiente durante eventonan anterior, e tabata na di seis lugá.

No tabata fásil pa Vrieswijk. E promé dia di e evento a frakasá kompletamente. Pasobra tabatin tiki bientu e kabayeronan no por a start. Di dos dia si a nabegá. Vrieswijk a bira number unu den kareda 1 i di ocho den kareda 2. Un komienso rasonabel di e torneo.

Vrieswijk ta gana na Hapon

Di tres dia tambe a bai satisfaktorio pa e ‘Windfoiler’ di Boneiru. Ku un di dos i di nuebe lugá Vrieswijk a postulá su mes den e tòp di e kompetensia. Riba di kuater dia e kabayeronan a haña nan ku hopi bientu. Tabatin hopi choke. Serka Vrieswijk tambe. Na e último bui e eksperto ku tabata na promé lugá a pèrdè kòntròl i tabatin un choke formal. Tòg e  belero di Boneiru a kaba na di tres lugá. Den e último kompetensia e dia ei Vrieswijk a drecha kos i el a gana e kompetensia. Finalmente e belero a gana e evento na Hapon pa e parti di ‘Slalom’.

Den e klasifikashon total Vrieswijk a kohe (10.300 punto), nèt no sufisiente pa tene e Italiano Matteo Iachino (10.500 punto) su tras. Tòg e belero di Boneiru por ta orguyoso ku e por bolbe bèk Boneiru ku un medaya di plata.

Djadumingu awor Vrieswijk ta regresá Boneiru. E premio lo haña un bunita lugá den su kas.