KRALENDIJK – E Tim di futbol Nashonal di Boneiru a logra un èksito ayera den Concacaf Nations League.  Na Anguila nan a gana di e pais anfitron. Ku e triunfo Boneiru ta sigui Sint Maarten ku ta na kabes.

Concacaf Nations League ta un torneo kaminda 34 pais ta partisipá. Paisnan di Nort-Amérika, Amérika Sentral i tambe Sùit-Amérika ta representá. E 34 paisnan aki ta hunga den liga A, B i C. Boneiru ta hunga e temporada aki den Liga C.

Boneiru tin viktoria

Den Raymond E. Guishard Technical Center na Anguila Boneiru tabata muchu fuerte ku 0-3. Ku golnan di Thierry Anthony (2x) i Freadyen Michiel Boneiru a gana e di tres duelo den Pul A. Sint Maarten ta pará na promé lugá den e pul ku nuebe punto i Boneiru na di dos lugá ku seis punto.

Djamars awor, 21 di novèmber, Boneiru ta hunga na kas kontra Sint Maarten ku ta na kabes. E tim nashonal ta bai purba gana e último partido di e torneo den stadion Antonio Trenidat. Por kumpra karchi na Lisa Convenience Store, Pomp Station Rincon i Bonaco. Un adulto ta paga 20 dollar i mucha ta paga 12 dollar. E wega ta kuminsá 7’or di anochi.