KRALENDIJK – Awe ta último dia ku Kenley Jansen i Ozzie Albies ta na Boneiru pa e Siman di Beisbòl Boneiru 2023. E beisbolistanan internashonal ta duna awe tardi 5’or e último klínika na Dudy Josephia Ballpark (AMAS)

Boneiru ta organisá pa di dos biaha e Siman di Beisbòl. For di dia 17 te ku 20 di dezèmber muchanan por a sigui diferente klínika di entre otro Kenley Jansen i Ozzie Albies.

Jansen i Albies

Beisbolista Kenley Jansen ta hunga pa Boston Red Sox. E pitcher ku ta prosedente di Kòrsou ta hunga den Liga Mayó na Merka. Ozzie Albies tambe ta un beisbolistá konosí ku ta aktivo riba e nivel mas haltu na Merka. Albies, meskos ku Jansen tambe ta prosedente di Kòrsou i ta segundo base pa Atlanta Braves.

Kenley Jansen (na man robes) i Ozzie Albies (na man drechi) ta duna klínika di beisbòl na Boneiru