KRALENDIJK—Djaluna 8 di yanüari a tuma lugá den Club Boulevard presentashon di unifòrm nobo di SV Atlétiko Flamingo Youth i habri aña kla pa kuminsá ku treinen.

Na e okashon, presidente di Atlétiko Flamingo, Earon Rosario a dirigí palabra na tur presente. E komishon di mayor a yama danki ta tur mayor i hungadó, pa nan aporte i konfiansa den e tim. A pone coachnan durante e aktividat den spotlight. E tim i esnan rondó di e tim, esta e famia di Atlétiko Flamingo, a despedí di e hungadó Jafet Vlijt, ku ta bai Hulanda pa sigui ku su karera di futbòl na Spartaan 20 na Rotterdam.

Atlétiko Flamingo Youth a kuminsá un aña i mei pasá ku U9,U15 i U17. Desde e temporada nobo, e tim a ekspandé ku U5,U7, U11 i U21. Atlétiko Flamingo ta yama danki na tur e spònser, ku ta duna nan aporte, Caribbean Blokken Fabriek, Stone Crusher, GOA, Mac Enterprises, Massive Production i Karel’s Beach Bar.

Soccer Clinic

Durante a duna informashon di nan próksimo evento ku ta un ‘Soccer Clinic’. Entre 19-21yanuari 2024 ta bai tin 7 coaches di Merka, ku ta bai duna un klínika di futbòl, pa tur mucha di Bonaire entre 12 i 21 aña. E coachnan ta bini di diferente college i University na Merka. E klínika ta grátis pa muchanan ku ta forma parti di SV Atlétiko Flamingo Youth. Pa e otro mucha nan e kontribushon ta 100$. Pa registrá por hasi esaki pa medio di facebook of instagram account di Atlétiko Flamingo Youth. Registrashon ta sera 17 di yanüari 2024. Potrèt ta ilustrá parti di e aktividat.