KRALENDIJK – Hobenanan di VMBO a hasi apertura di un programa ku ta trata siman di multi lenguahe.

Ta trata di un aktividat hopi spesial pa e skol. Na e okashon e direktor di VMBO Francis Pieter, a bisa: “Nos ta selebrando e siman di multi lenguahe. Mi tambe ta multi lenguahe. Esei ta nifiká ku mi ta komuniká den diferente idioma.  Esaki ta hopi importante i ta hasi posibel ku nos hóbennan por bai studia den eksterior. Ta orguyoso di loke boso por. Den un mundu yen di idioma, boso kada un ta riku na idioma. Nos sistema di duna lès a kambia hopi, ta un revelashon inmenso.

No ta kuestion di kambio di idioma nos ta selebrá. Dil ku diferente idioma, ta hasié mas efektivo, pa e dosente duna lès papia diferente idioma, loke no ta tur mucha por. “

Kultura

Despues a kuminsá e parti ofisial di e aktividat. A presentá e grupo di Unity Majorèt i presentá nan bandera di multi lenguahe. Nan a menshoná ku e bandera ta un kreashon di  yùfrou Cynthia Sno. Un grupo di persona a presentá despues bisti na kultura.

Na VMBO tin no ménos ku 14 idioma ta sirkulá.